Монгол Улсын “Е-Номад” ХХК БНХАУ-ЫН ӨМӨЗО-ы “Шэнмү” ХХК-тай мэргэжилтэн солилцоог эхлүүлэв.

Монгол Улсын “Е-Номад” ХХК БНХАУ-ын үхрийн сүүний “Шэнмү” ХХК-тай 2025 онд Монгол Улсаас нийт 100 мэргэжилтэн “Шэнмү” ХХК-д үхрийн өвс тэжээл, зохиомол хээлтүүлэг, сааль авах арга технологи гэсэн 3 чиглэлээр гурван сарын хугацаанд практик дадлага хийх санамж бичиг байгуулав.

Санамж бичигт тусгагдсан ажлын эхлэл болгож Монгол Улсын 10 мэргэжилтэнг “Шэнмү” ХХК-ийн Баяннуур аймаг дахь 3 үхрийн фирм, Хөххот дахь 1 үхрийн фирмд гурван сарын хугацаатай практик дадлага хийх ёслолын арга хэмжээг 2025 оны 03 дугаар сарын 21-ний өдөр ӨМӨЗО-ы Баяннуур аймагт амжилттай зохион байгуулав.

 Тус хөтөлбөр хэрэгжсэнээр Монгол Улсын мал аж ахуйн салбарт дутагдаад буй мэргэшсэн боловсон хүчнийг бэхжүүлэх эхлэл болж байна.